Dening: Anggit Rakasiwi (20020114033)
Edhitor: Defany Fiqrotul Laely (20020114039)
Sumber gambar: twitter.com/kegblgnunfaedh
Kuli iku perkara sing dianggep enteng karo masyarakat. Amarga mayoritas wong sing nyambut gawe yaiku wong sing ekonomine kurang lan upahe ora gedhe. Senajan iku kuli dibutuhaké banget, utamane kuli bangunan. Mbahas kuli bangunan ing jaman saiki ana guneman nyebut kuli Jawa. Sing diarani kuli Jawa iku kuli sing apik penggaweane. Kok bisa kuli Jawa disebut kuli bangunan sing apik?
Kuli Jawa uga disebut dewa kuli. Saka sejarahe, mbiyen wong Jawa sing dadi kuli bisa mbangun candi. Ana maneh saka budaya Jawa sing nguripi kuli Jawa amarga saben dhaérah mesthi nduweni karakter sing beda. Karakter iki sing dibahas ning kuli Jawa. Ing Jawa ana sing disebut mandor,mandor yaiku kuli saka wong Jawa sing posisine luwih dhuwur saka kuli liyane amarga dheweke gelem kerja nganti beres lan tanggung jawab marang kuli liyane. Ing tradhisi Jawa ana sing nyebut yen gelem nyambut gawe sing rekasa mula penggawean mesthi dadi apik lan pikanthuk dhuwit. Iki sing nyebabake kuli Jawa kasebut konsisten mbangun bangunan.
Sifat budaya Jawa ing kuli iki sing kudu diladeni. Saka kuli bangunan sing bisa kerja nganti apik, konsisten lan niyat iku kuncine. Ora bisa dipungkiri yen kuli Jawa pancen dewa. Amarga nduweni sifat tanggung jawab kanthi beres marang penggaweane.
Tidak ada komentar:
Posting Komentar