PAKARYAN ING BIDHANG IT, APA BAKAL DADI PAKARYAN SING MIGUNANI?

Dening : Reza Utmi Agustina  (20020114050)

Edhitor : Sri Indah Wahyuni  (20020114057)

Sumber gambar : kompas.com

   Ing jaman saiki teknologi ngrembaka kanthi cepet, kabeh pakaryan utawa kagiatan mbutuhake teknologi supaya tandhang gawene manungsa luwih gampang, mulane akeh pakaryan sing kudu dilakoni manungsa dituntut supaya bisa IT. Perusahaan wiwit golek calon sing bisa nggawe, ngrancang, riset, lan ngembangake _hardware_ supaya tandhang gawene manungsa luwih gampang. Ing jaman digital iki, teknologi informasi nduweni gayutan sing gedhe kanggo kabutuhane manungsa. Bisa dideleng yen jurusan Sistem Informasi narik kawigaten para calon mahasiswa. Dadi, lulusan Sistem Informasi uga dadi inceran para perusahaan. Amarga ing jaman digital iki, lulusan Sistem Informasi dibutuhake ing pirang-pirang perusahaan. Perusahaan bakal rebutan butuhake mahasiswa-mahasiswa pinter sing wis lulus saka kampuse, supaya gelem makarya ing perusahaane, mulane mahasiswa-mahasiswa jurusan IT iki jarang ana sing nganggur utawa ora nduwe pakaryan. Gaji sing ditawakake perusahaan uga cukup nggodha utawa akeh banget.

   Jurusan IT minangka gabungan saka Ilmu Komputer, Ekonomi Manajemen, lan Bisnis. Jurusan iki fokus ing pemrograman ing sajroning perusahaan. Materi sing disinauni ing jurusan IT salah sijine yaiku, basa ing pemrograman, Algoritma lan Struktur Data, Desain lan Manajemen Proses Bisnis, Desain lan Manajemen Jaringan Komputer, Perencanaan Sumber Daya Perusahaan, lan liya-liyane. Wong sing kerja ing pakaryan iki kudu nduweni katrampilan. Sawetara kemampuan sing kudu dikuwasani yaiku nggunakake PC utawa laptop, bisa nggawe program lan ngoding, lan uga bisa nguwasani Microsoft SQL.

 

   Ing taun 2025, Forum Ekonomi Dunia ngira-ngira ana 85 yuta pakaryan sing ditandhangi karo manungsa bakal diganti karo mesin. Lan ana , kira-kira 97 yuta pakaryan anyar, pakaryan kasebut bakal ana sesambungan antarane tenaga manungsa, mesin, lan algoritma. Ing limang taun kepungkur, Forum Ekonomi Dunia uga nliti apa wae pakaryan sing bakal dibutuhake lan digoleki akehe perusahaan ing bidang IT. Ana sawetara pakaryan ing bidang IT yaiku, Digital Marketing, Application Developer, Software Developer lan Engineer, Data Analytics, UI/UX Developer. Wong sing ahli ing sajroning bidang iki dibutuhake amarga saiki wis akeh aplikasi utawa web kayata e-commerce lan media sosial sing bisa nggampangake tandhang gawene manungsa yaiku, akeh manungsa sing luwih seneng blanja online liwat internet tinimbang blanja langsung kanggo ngirit wektu, lan tuladha liyane akeh manungsa sing luwih seneng maca pawarta ing internet utawa situs web kayata detik.com, kumparan kompas.com lan liya-liyane. Amarga pawarta ing internet luwih update tinimbang pawarta ing sajroning koran, mula wong sing ahli ing bidang IT iki dibutuhake kanggo nyedhiyakake platform kanggo nggampangake tandhang gawene manungsa.

  Forum Ekonomi Dunia uga duwe panemu yen bakal ana sawetara pakaryan sing kurang dibutuhake amarga wis diganti teknologi, kalebu sekretaris administrasi lan eksekutif. Saliyané iku uga ana akuntan utawa auditor, buruh pabrik, layanan bisnis lan manajer administratif. Pakaryan mau bakal luwih cepet ditandhangi nggunakake teknologi, mula kita sing urip ing jaman globalisi iki kudu sinau lan mangerteni babagan IT supaya luwih gampang nindakake samubarang utawa ngolek pakaryan, amarga ing jaman globalisasi iki kabeh pakaryan ana sambung rakete karo IT kanggo nggampangake kagiyatane manungsa.